Palasyo ni Frankenstein sa Germany, ginawang pasyalan

Ang Castle Frankenstein ngayon ay may dalawang tower na lamang na natitira, isang vegan restaurant sa ibaba at may katabing chapel. Ganunpaman, napapanatili nito ang kanyang popularidad sa mga turista dahil sa mythical connection sa nobela ni Mary Shelley na Frankenstein, lalo na kapag Halloween.

Tuwing October at November, ang Burg Frankenstein Halloween party ay kumukuha ng napakaraming zombies, mangkukulam, werewolves, bampira at mga regular na bisita para sa scary dinners at creepy shows na gaganapin dito.

Ang annual party na ito ay pinasimulan daw ng mga Amerikanong Sundalo na nakadestino malapit sa palasyo noong World War II.

Na-featured ang Castle Frankenstein sa isang episode ng foreign show na Ghost Hunters International noong 2008.

Si Johann Konrad Dippel ang sinasabing totoong Frankenstein. Nakatira siya sa Castle Frankenstein noon kung saan siya gumagawa ng mga gayuma, pagsasagawa ng electrical therapies at pag-eekspiremento sa mga ninakaw niyang parte ng katawan sa sementeryo ng mga namayapa na.

Hindi naman matukoy kung ang tinutukoy ba ng author na si Mary Shelly na Frankenstein ay si Dippel, ganunpaman, kapangalang-kapangalan ng huli ang karakter ni Shelly sa nobela.

Magaling na alchemist si Dippel. Binawian siya ng buhay dahil sa stroke.