Playa Del Amor sa Mexico, nabuo dahil sa mga bombang pinasabog
Bukod sa Playa Del Amor, tinawag din na Hidden Beach ang isang munting isla dahil sa tago nitong lokasyon. Matatagpuan ito sa mga batuhan ng Marieta Islands sa Puerto Vallarta, Mexico.
Para sa mga nakapunta na, pinaghalong man-made na gawa sa beauty of nature ang hitsura nito, na nagresulta ng isang makapigil-hiningang scenery.
Marami ang nagpupunta sa Hidden Beach dahil sa adventure na ibinibigay nito, kailangan mo pa itong hanapin.
Sa itaas o himpapawid mo lang ito makikita, at ang tanging paraan para makapasok ka sa loob nito sa pamamagitan lang ng isang water tunnel na konektado sa Pacific Ocean.
Sa simula ng 20th century, nag-umpisang gumawa diumano ng mga bomba ang mga Mexican para sa paghahanda sa World War I, at ang tanging paraan lang para masubukan kung sumasabog nga ito ay ang itapon ito sa karagatan.
Pinaniniwalaang ang mga bombang kanilang itinapon ay napunta sa Marieta Islands, at nasama rito ang Hidden Beach.
- Latest
