Pampasira ng body clock rhythm

Paano nga ba magkaroon ng masarap na tulog? Noon kapag pinapatulog tayo sa hapon at pinahihiga nang maaga sa gabi, akala natin ay parusa ito sa atin ng mga nakatatanda. Pero ngayon adult na, lahat ay naghahangad ng masarap na tulog sa gabi. Mayroong tips kung paano ito ma-achieve.

Isa na rito ang iwasan ang matulog kapag weekends at magpuyat sa gabi kapag day off.

Karaniwan na sinasamantala ang matulog kapag day off o holiday dahil ito lang ang time para makapag-beauty rest. Talagang natutuksong matulog maghapon tuwing weekends, pero ang ilang oras na magkakaiba ang gising ay nakasisira ng internal body clock. Kapag paiba-iba ang schedule ng tulog mapa-weekends o weekdays mas malalang jet lag na symptoms ang mararanasan.

Kung kailangan magpuyat sa gabi, siguraduhing mayroong nap time sa hapon sa halip na matulog ng ilang oras.

Ang ganitong strategy ay nababayaran pa rin ang kakulangan ng tulog na hindi nasisira ang natural na rhythm ng routine sa pagtulog at paggising ng isang indibidwal.