Estudyante problemado sa nanay

Dear Vanezza,

Problema ko si nanay na naloloko sa bingo habang ang tatay ko ay nasa Japan bilang welder. Pag-uwi ko ga­ling eskuwelahan ay walang tao, walang pagkain, magulo ang bahay. Madalas ay talo siya ng ilang apat na libo o higit pa. Kapag nananalo pati kapitbahay ay kasama sa blow out niya. Kahit 16 years old ako ay gusto ko nang akuin na ako na lang ang maghawak ng perang ipinapadala sa amin ni tatay. Kaysa sa marami nga kaming pera pero nauuwi sa bisyo ni nanay at marami pa kaming utang. Isusumbong ko ba si nanay kay tatay?

Jaime

Dear Jaime,

Kausapin mo si nanay at pagsabihan na mali ang kanyang ginagawa. Maaga pa lang ay awatin na siya sa kanyang bisyo at paalalahan na maging wise si nanay sa pera. Hindi sa lahat ng panahon ay maganda ang kita ni tatay sa abroad. Darating ang oras na uuwi rin siya at magreretiro. Baka mauwi sa wala ang kanyang pagpapagod.

Sumasainyo,

Vanezza