Iwas sa Mataas na Bill ng Kuryente

Ngayong Kapaskuhan ay siguradong tumataas ang bill ng ating kuryente. Pero may mga tips para maiwasan ang paglobo ng inyong electric bill.

Isa sa gamit na gamit na appliance sa kusina ay ang refrigerator. At para masigurong hindi ito magiging dahilan ng paglobo ng inyong electric bill, siguruhing maayos ang door seals nito. Kung maluwag na ito, maaaring bumili sa mga hardware at palitan ito.

Kung may coil din sa likod ng refrigerator n’yo ay dapat itong bina-vacuum para matanggal ang mga namumuong dumi. Ang mga coil na ito ay nagtataglay ng coolant ng refri­gerator para mapanatiling ma­lamig ang loob nito. Kapag nasobrahan sa dumi ang coil ay nahihirapan sa paglamig ang refrigerator.

At kung wala naman din masyadong laman ang refrigerator n’yo hinaan na lang o kaya ay ‘wag na itong gamitin.

Ito po ang inyong kumpunerong kuya na nagsasabing kung gusto maraming paraan!