Masakit na Paa?

Maraming dahilan kung bakit sumasakit ang iyong sakong: Kulang sa calcium; sobrang taas ng takong; maling size ang sinusuot na sapatos; matagal na pagtayo at paglalakad o maling posture. Bago uminom ng pain killer, subukan muna ang natural na paraan para matanggal ang sakit.

1-Umupo at imasahe ang sariling paa. Kung tinatamad, kumuha ng maliit na bote ng softdrinks (glass). Itapak ang dalawang paa at igalaw ng pasulong at paurong nang paulit-ulit. Tingnan ang larawan. Gawin mo ito habang nasa opisina at nakaupo lang habang nagtatrabaho.

2-Kumuha ng 1) maligamgam na tubig 2) malamig na tubig galing sa refrigerator. Ilagay sa magkahiwalay ng palanggana kung saan ang size ay magkakasya ang dalawa mong paa. Una munang ilublob ang paa sa maligamgam na tubig for 3 seconds. Tapos ilublob naman sa cold water ng ganoon din katagal. Halinhinan mo itong gawin sa loob ng 5 minutes. Ang ganitong sistema ay magpapaganda ng takbo ng dugo sa paa at magtatanggal ng pamamaga.

3-Simple stretching. Tumayo nang nakaharap sa pader. Ituon ang kamay sa pader. Itaas ang kanang binti nang patalikod sa loob ng 30 seconds. Halinhinang gawin sa parehong binti.