‘Wag madaliin ang pag-aasawa
Dear Vanezza,
May bf ako, 25 yrs. old siya & ako ay 18. Kapitbahay lang kami. In love kami sa isa’t isa. Kaso lang po natatakot ako sa brother ko kung malaman niya na may relasyon ako sa kaibigan pa naman niya. Mabait ang bf ko at gusto na niyang magpakasal na kami. Pero hindi pa po ako handa. Gusto kong ibigay ang pagka-virgin ko sa kanya kaso po natatakot ako? Pero mahal na mahal ko siya.
Ano po ba ang dapat kong gawin? - Minda
Dear Minda,
Magsabi ka sa iyong kuya dahil bilang nakatatandang kapatid, ayaw niyang mapahamak ka. Bakit hindi mo sabihin sa kuya mo ang totoo tngkol sa inyong relasyon? Napakaaga pa rin para pag-usapan ang kasal dahil bata ka pa. At lalong hindi tama na ibigay mo ang iyong sarili sa kanya. Hindi sukatan ang virginity para masabing hindi ka iiwan ng lalaki. Napakabata mo pa at ang dapat mong iniisip ay ang makatapos ng pag-aaral, magkaroon ng magandang trabaho at makatulong sa iyong pamilya. Hindi minamadali ang pag-ibig. Kilalanin pa ninyo ang isa’t isa at tadhana na ang makapagsasabi kung kayo nga ang magkapalad.
Sumasaiyo,
Vanezza
- Latest
