Akala mo ‘bad’ pero...

Good health tips pala ang mga sumusunod:

Kape muna bago matulog. Base sa pag-aaral ng mga Japanese, mas mainam na uminom muna ng kape bago umidlip ng 20 minuto para paggising, magiging masigla ang isip at katawan. Paano ito nangyari? Pagkaraan 20 minuto ang caffeine ay tatalab sa katawan patungo sa utak, na magreresulta ng pagsigla ng katawan at isipan.

Mas epektibong mag-exercise kung pagod. Pagkagaling sa trabaho, mas mabuting mag-exercise ng 30 minutes. Kapag pagod, sumasabay ang pakiramdam na nalulungkot ka. Kung ikikilos mo ang iyong buong katawan habang nag-e-exercise, mas maraming oxygen ang iyong malalanghap. Ito ang magbibigay sa iyo ng maginhawang pakiramdam. Ang ending, babalik na ulit ang sigla ng iyong katawan at isipan.

Uminom ng tubig kapag nararamdaman mong puno ang iyong tiyan or bloated. Isang dahilan kung bakit ka bloated o parang hinipang lobo ang tiyan ay kulang ang iyong katawan sa tubig at hindi ka matunawan. Uminom ng tubig upang tunawin nito ang pagkain sa loob ng bituka. Pagkaraang matunaw, babalik na ulit sa normal ang tiyan at matatanggal ang pagiging butete.