Paano kakausapin ang matandang bingi?

Kapag nakatanggap ng mamahaling regalo, bidyuhan mo ang sarili habang binubuksan ang package upang may ebidensiya ka na sira o basag na ang item nang matanggap mo ito.

Tagihawat? Baka naman ang isa sa problema ay maruming punda ng unan. Magpalit ng punda tuwing ikatlo o ikaapat na araw.

Hinugasan mo na pero naroon pa rin sa kamay ang amoy malansang isda. Pahiran ng toothpaste ang kamay. Hugasan. Boom! Wala na.

Kinakabahan? Dahil  magsasalita ka sa harapan ng maraming tao, first date o aatend ng court hearing bilang isang witness. No problem. Basta hipan mo lang ang iyong hinlalaki. Parehong hinlalaki para ang potency ay mas malakas. Ang vagus nerve na nakakabit sa hinlalaki ng kamay ay nagkokontrol sa heart rate. Kapag hinipan, ang heart rate ay babalik sa normal.

Kapag may kinakausap na matandang mahina ang pandinig pero hindi naman totally bingi, “speak deeper, not louder.” Ibig sabihin, pabababain mo ang tono ng iyong boses (nasa lower do ng do-re-mi-fa-so-la-ti-do) sa halip na sumigaw. Kapag humihina ang pandinig ng tao, ang unang nawawala ay ang high tone frequencies.