Ang iyong posisyon sa pagtulog... (1)

Paano ka ba matulog? Minsan, ang posis­yon mo sa pagtulog ay posible rin makaapekto sa relasyon ninyong mag-asawa. Mayroon kasing posisyon sa pagtulog na hindi komportable ang iyong katabi at maaa­ring nagdudulot din ito ng iyong paghilik. Narito ang ilang posisyon sa pagtulog at ang repleksiyon nito sa iyong pagkatao:

‘Tummy sleepers” o pagtulog ng nakadapa – Ang mga taong ganito matulog ay karamihang mabilis mainis at matakot. Kaya kung ganito ka matulog, pag-aralan ang iyong sarili kung mabilis kang mainis at dapat kang katakutan bilang partner.

‘Back sleepers’ o pagtulog ng nakahiga – Nagpapahayag ito na mataas ang iyong kumpiyansa sa sarili. ‘Yun nga lang maiinis ka sa kanya dahil tiyak na malakas maghilik ang taong may ganitong klase ng posisyon sa pagtulog.

‘Opposite attract’ o pagtulog ng magkaibang direksyon – Ang mag-asawang natutulog ng talagang magkalayo at magkaiba ang direkyon ng kanilang ulo ay nagpapahayag na sila ay kapwa may kumpiyansa sa kanilang sarili. Hindi rin ito nangangahulugan na wala silang pagmamahalan sa bawat isa.