Namumula, namamaga at nangangating penis

Nakaranas na ba kayo mga kuya ng pamumula o pamamaga o pangangati sa‘ulo ng inyong penis?

Ang tawag dito ay balanitis.

Posibleng kulang ka lang sa tamang hygien. Kung hindi nahuhugasan ng tama ang penis, lalo na ang ilalim ng lambe, nagkakaroon ng parang mala-kesong bagay na namumuo dito na tinatawag na smegma.

Maaring magkaroon ito ng impeksiyon at maging sanhi ng irritation.

Ang solusyon ay hugasang mabuti ang inyong ‘alaga’ ng maligamgam na tubig na may asin.

Maaari  ring magkaroon ng milder form ng balanitis pagkatapos ng intercourse ngunit nawawala rin ito makalipas ang isang araw.

Puwede ring magkaroon ng balanitis sanhi ng sakit sa balat tulad ng psoriasis. Maaaring magkaroon ng psoriasis sa penis sa bahagi ng ng lans na mukhang pula at makintab  na mangangailangan ng antifungal treatment o steroid cream.

Tignan ang inyong ginagamit na sabon. Ang balanitis minsan ay sanhi ng pagiging sensitibo sa mga pabango sa sabon.

Kung namamaga ang penis, Makati at masyadong mapula, posibleng mayroon thrush o candida na isang yeast.

May pagkakataong isa itong senyales ng diabetes na magagamot ng antifungal cream o tablets. Mas mabu­ting magpatingin sa doctor kung may diabetes nga.

Ipinapayong gumamit ng sabon na hindi masyadong mabango. Maghugas lang ng maligamgam na tubig na may asin. Iwasan din ang mababango na may

kung anu-anong kemikal sa sabong panlaba ng mga underwear’s. Kung madalas na magkaroon ng balanitis pagkatapos makipag-sex, sabihan ang inyong partner na magpa-check-up din. Kung malala ang balanitis, magpa-checkup ng diabetis.