Raymond, interesado sa BL

Nagbabalik si Raymond Gutierrez sa TV hosting na na-miss daw niyang gawin since matagal-tagal din siyang nag-focus sa kanyang mga negosyo and international hosting stints.

Ang kakambal ni Richard Gutierrez ang latest addition sa primetime news program ng Bilyonaryo News Channel na Agenda kasama sina Korina Sanchez, Pinky Webb and Willard Cheng.

Pumirma ng kontrata si Raymond kahapon (July 15) sa BNC Studios at sey nga niya sobrang excited siya sa bagong chapter na ito sa kanyang buhay.

Si Mond ang bagong anchor ng entertainment and lifestyle segment of Agenda at nagsimula na nga siya last June 3.

“Na-miss ko ‘yung local audiences natin. I liked the idea of being in Bilyonaryo News Channel because this network is not just about entertainment or hard news, it’s an intersection of business, culture, lifestyle and approaches a lot of different of topics that I’m also very interested in,” sey ni Mond.

“Actually, ‘yung parents ko, laging pinapanood ‘yung Agenda, so fans talaga sila. So, when I said that this offer came in, they were super-excited and they really encouraged me to say ‘yes,’” dagdag niya.

Marami ang hindi nakakaalam na dati ring child star si Raymond tulad ng kanyang twin brother kaya naman natanong sa kanya kung interesado pa siyang bumalik sa pag-arte.

He revealed na nagkaroon siya ng offer for a BL (Boys’ Love) project na talagang ikino-consider daw niyang tanggapin.

“But because of the pandemic, hindi natuloy,” aniya.

If ever ay open naman daw siya sa mga ganitong klaseng pelikula.

“I think, it all boils down to the project, kung tama ba, kung ok ba ‘yung story. It’s not something I’m closing my doors on, but it’s not also something that I’m actively searching.

“So, I think when the time is right and when the project is right, why not?” pahayag ni Mond.