Andrea, tinupad ang ‘craziest thing’ noong birthday!

Naging unforgettable ang 36th birthday ni Andrea Torres dahil two weeks ang naging celebration niya.

May 4 ang birthday ng aktres, pero marami siyang tinupad sa kanyang bucket list at kabilang dito ang skydiving.

Sa kanyang Instagram reel, pinost niya ang kanyang adrenaline-pumping experience sa pag-skydive. “Capping off the best 2-week birthday celebration ever by finally doing the craziest thing on my bucket list,” caption niya.

Ngayon ay back to work na si Andrea na huling napanood sa teleserye na Akusada noong 2025.

Kasama siya ngayon sa cast ng medical drama na Code Gray na bida si Alden Richards at kabilang din sina Christopher de Leon, Romnick Sarmenta, Shuvee Etrata, Allen Ansay, Joross Gamboa, Christian Bautista, Kristoffer Martin, Jon Lucas and Faith da Silva.

Will, bida na

Magbibida na ang Sparkle star na si Will Ashley sa pinakabagong drama comedy series na Delivery Boi ng GMA.

Nagsimula bilang child actor si Will sa Kapuso teleserye na Villa Quintana noong 2013.

Naalala pa namin na 12 years old lang si Will noong pinakilala siya sa amin ni Direk Maryo J. delos Reyes bilang isa sa mga mina-manage na talent. Sinama niya si Will sa mga teleserye na Niño at Pari ‘Koy.

 Ayon pa kay Will, looking forward siya na gampanan sa serye ang mga nakakasalamuha niyang delivery riders.

Makakasama ni Will sa Delivery Boi ay sina Eric Quizon, Keempee De Leon, Meryll Soriano, Maricar De Mesa, Yasser Marta, Vince Maristela, Mikoy Moraless, Angellie Sanoy, Juharra Asayo at Baninay Bautista.

Miley, pasok na sa Walk of Fame!

Pinarangalan ng star on the Hollywood Walk of Fame ang singer-actress na si Miley Cyrus.

Suot ang vintage woven and see-through sleeveless dress from Atelier Versace, nagpasalamat si Miley sa mga taong nasa likod ng kanyang showbiz career simula pa noong bata siya at nagbida sa Disney Channel series na Hannah Montana in 2006.

“My name is laid in gold and pink terrazzo, and it’s fierce, and it’s fun, and it’s fabulous. After today, I commit to continuing the cycle full of creation, because that is what I truly live for.

“My dad (Billy Ray Cyrus) used to say that a skyscraper starts with a jackhammer – so does a star on the Walk of Fame by the way – and it’s not about the force, but it’s about the repetition. What feels so special to me about this star is that it’s an accumulation of devotion.

“You are the stars that make my dream a reality every day for your love and support, and I thank you.”

Present din sa event ay ang fiancé ni Miley na si Maxx Morando. Na-engage sila noong Dec. 2, 2025.