KD, gustong magdirek

Patuloy na binibigyang-pansin ng Star Magic ang kanilang mga umuusbong na theater talents sa pamamagitan nina KD Estrada, Sheena Belarmino, at Vino Mabalot na tampok sa dalawang major productions, Bagets: The Musical at Spring Awakening, na kasalukuyang ipinapalabas at patuloy na tinatangkilik ng mga manonood.

Kasalukuyang mapapanood sa Bagets: The Musical si KD Estrada, na nagbahagi kung paano mas pinatatag ng produksyon ang kanyang disiplina bilang artista.

Mapapanood pa ito hanggang March sa Newport Performing Arts Theater.

“Just discipline and yung work ethic din, parang when you go to work you have to make sure na you know everything. You know your parts and you know what you’re supposed to be doing,” ani KD nang tanungin tungkol sa pinakamahalagang aral na natutunan niya mula sa palabas.

Bukod sa pagiging aktor, pangarap rin ni KD na maging direktor.

Nang tanungin kung sinong actor-director ang nagbibigay inspirasyon sa kanya, binanggit niya ang Hollywood actor na si Matthew McConaughey, at sa lokal naman ay si Direk Coco (Coco Martin).

Bahagi naman ng kasalukuyang run ng Spring Awakening sina Sheena Belarmino, at Vino Mabalot, na parehong nagbahagi ng kanilang mga karanasan.

Isang daring role ang ginagampanan ni Sheena na siguradong ikakagulat ng mga manonood. “I’m really grateful for Sandbox Collective, the directors, the creatives, who really supported me all the way. Especially kasi wala akong alternate dito, every show laging ako yung nakasalang, and it’s a different experience lagi.”

Dagdag pa niya, “I entered the production knowing the material way ahead… I really did my research.”

Para naman kay Vino, na beterano na sa sa teatro at telebisyon, magkaiba ang hamon ng pag-arte depende sa medium. “Art forms that involve a screen are challenging for me because they’re out of my comfort zone. Pero if we’re talking artistic difficulty, I crave the theater; yung live audience, yung work that goes into doing it,” aniya.

“Iba ‘yung feeling telling stories and then your audience is right there, and they can feel with you, they can breathe with you. It’s difficult pero yun yung pinaka-satisfying for me,” dagdag pa nya.

Parehong tinatalakay ng Bagets: The Musical at Spring Awakening ang kaguluhan at realidad. “Let kids be who they really are and try to express themselves, through any form ng kabataan.” ani Sheena.

Ipinapakita nina Sheena Belarmino, Vino Mabalot, at KD Estrada ang lalim ng kanilang artistry na hinubog ng disiplina, masusing paghahanda, kolaborasyon, at ang natatanging koneksyon na hatid ng live theater.

Dala ang kanilang passion bilang alagad ng sining, patuloy nilang pinatutunayan ng mga artistang ito na ang entablado ay nananatiling makapangyarihang espasyo para sa pagkukuwento.

Anyway, a production of Newport World Resorts with The Philippine STAR and VIVA Communications, Bagets The Musical is staged by PETA Plus and also presented in cooperation with Sun Life Philippines.

Bagets The Musical runs from Jan. 23 to March 2026 at the Newport Performing Arts Theater. Tickets are now available at Newport World Resorts Box Office and Ticketworld: P4,000 (SVIP), P3,500 (VIP), P3,000 (GOLD), P2,000 (SILVER), and P1,000 (BRONZE). For inquiries, contact Customer Care at 7908-8888.