Ara, anim na taon bago naging extra small!

Grabe, 55 lbs. na pala ang ipinayat ni Ara Mina. At ang clothing size niya, extra small na.

Babu na ang dating Ara na chubby.

Pero hindi raw mabilis ang mga pangyayari, matagal ang naging proseso.

“Overall, I started dieting, pero gradual, November 2019,” umpisa ng kwento ni Ara.

“Now 55 pounds na, tapos mini-maintain ko na lang,” kuwento pa ng actress sa aming chance interview sa katatapos na Maddox Jewelry Gala.

Ano ang mas mahirap, ang pagbabawas ng timbang o maintaining your weight?

“Maintaining, hindi na kami hirap. Kasi now I need to tone. Pero ‘pag naggi-gain ako four pounds, ayun talagang kailangan i-lose ko ‘yung four pounds. Kasi ‘pag hindi ko ni-lose ‘yung four  pounds na ‘yun in a week or two weeks, nagtutuluy-tuloy ‘yan. So, lagi ako from time to time nagwi-weight scale ako para talagang ma-monitor,“ kuwento niya pa.

Dahil holiday season maraming kainan, ano ‘yung parang disipline niya or hacks? “Okay, ang tip ko kapag buffet, kapag party ang daming food, kuha lang kayo ng konti-konti. As in, konti-konti. Kasi tikman mo kung ano ‘yung pinaka-okay. Kung ano ‘yung pinakamasarap dun, ‘yun ang balikan mo para kumuha ka nang mas okay na portion. Kasi mas okay na hindi ganun karaming ulam ‘yung kainin mo.

“At least worth the calories ‘yung kakainin mo. Kesa ‘yung ang dami mong kukunin nagsayang ka pa ng pagkain, kasi nahiya kang hindi ubusin kasi ang dami mong kinuha. Hindi naman gusto ng tiyan mo o hindi mo gusto ‘yung lasa. So, iyon ‘yung tip, konti-konti lang,” pagbabahagi niya.

Paano ‘yung drinks? Like, nagko-coffee ka? “I’m not into soda. Siguro kung nagso-soft drinks ako kapag sobrang init pasip-sip lang. Mga one to three sips.”

Pero ‘yung rice, paano ‘yung rice?

“Nagra-rice na ako pero naka-cup. Sometimes, alternate ko shirataki rice,” sagot pa ni Ara.

Pero ‘yan na ‘yung perfect weight mo para sa’yo?

“Yes, ito na.”

Ilang pounds na siya ngayon?

“Ngayon sa pounds, 129.”

From large ro extra small? “Yeah, nung nanganak ako large pero medium, medium [to] large.”

Pero anong pinaka-biggest mo sa weight?

“Ahhh 180. Yeah, nung pregnant ako nu’n.”

Paano naman ‘yung exercise routine niya ngayon?

“Pilates.”

So, everyday nagpi-pilates ka?

“As much as I want to, kung kaya ko. Kasi meron naman ako sa bahay na machine. Pero meron din akong mga workout na ginagawa na without machine. Kahit ‘yung ganun lang na arms (dini-demonstrate niya sa amin). Tapos ‘yung ginaganun ko ‘yung tiyan ko every morning. (parang minamasahe ang tiyan).”

Kasama si Ara sa mga celebrity na natalo sa nakalipas na midterm elections – kumandidato siyang konsehal sa Pasig.

Ang controversial at iniimbestigahang contractor na Sarah Discaya noon ang kanyang kapartido.

May plano ba ulit siya sa susunod na election?

“For now, parang kinokondisyon ko ‘yung sarili ko huwag na. Siguro i-concentrate ko ‘yung, napapabayaan ko kasi ‘yung business ko. And maraming nagsasabi sa akin, ibalik ko ‘yung business ko. And meron akong mga product na ilu-launch next year.”

Pero nag-regret ba siya na sumabak siya sa pulitika? “Hindi naman. E ganun talaga ang politics eh. You win, you lose. Kaya lang syempre ‘yung time na na-miss ko sa ibang bagay. I still help people pa rin naman nasa politics man ako o wala, I still continue helping people,” katwiran niya.

“I’m praying for the best na lang for everyone and wala akong masamang sasabihin. Kasi, ang gusto ko lang maging okey ang bansa natin,” sagot naman niya nang tanungin kung anong masasabi niya sa mga Discaya.

Anyway, may gagawin siyang teleserye pero ayaw pa niyang magbigay ng detalye. “Secret. Tapos nag-cameo role ako sa Shake, Rattle & Roll: Evil Origins episode 1.”

KD, nagpapalakas para sa bagets!

Kabado ang Kapamilya actor na si KD Estrada sa pag-uumpisa ng Bagets: The Musical sa January.

Kaya todo raw ang kanyang paghahanda.

“Malapit na. Sobrang lapit na actually. Right now, we’re preparing our dances, ‘yung cardio, because we need to build up our stamina; our stage is really big, and we’ll be running around the entire area. So, we are working on that. Syempre, pagkanta rin. Iyong kanta namin puro ‘80s songs. And ‘yung ‘80s songs have certain energy na kailangan ibigay. Youthful din siya so, we have to go back to our youth and play ourselves as teenagers,” kuwento ni KD after ng Star Magic Spotlight presscon last week.

So, mga ilang song ang na-assign sa’yo?

“Honestly, mga 17 plus.”

More than two hours ang running time nito. At gagampanan ni KD si Raymond Lauchengco.

Mag-uumpisa ang Bagets: The Musical sa Jan. 23 pero sa Jan. 24 pa siya mapapanood.

Pero how was it working with Andres (Muhlach)?

“Yeah, working with Andres. But actually, wala pa kaming shows ni Andres together. I don’t know why, but they’re fixing that up.

“Nag-usap na kami ni Andres, sabi namin na magkaka-show kami around February. Pero for the January shows, parang wala pa.”

Ilang beses mo napanood ‘yung movie version?

Sagot ni KD: “Iyong movie version, pinanood ko siya four times.”

Nag-audition ka for the role?

“Yes, nag-audition ako for the role kasi the role is not under Star Magic, it’s under PETA and Viva.

“Actually, I was like, I think I was the only Star Magic na nag-audition. Besides from Ate Carla Laforteza. And yeah, sobrang grateful ako na nakuha ako ng Viva and I’m super thankful din na pinayagan din ako ng management, Star Magic, na gawin ‘yung project na ito. Kasi, syempre gusto nila for my growth din. And na-miss ko talaga ang mag-theater kasi ‘yun din talaga passion ko,” pahayag ng ka-loveteam ni Alexa Ilacad.

How was it working with Viva artists?

“Sobrang bait nila. Yeah, super chill. Super chill lang. And I’m grateful din na tinanggap din nila ako na Star Magic. Kasi iba-iba rin kami. Meron din isang kaming GMA artist, si Jeff Moses naman. At Cornerstone na si Noel Comia. And sobrang thankful ako na they welcomed us with open arms.”

Ano ito, decision mo na mag-audition?

“Decision ko mag-audition.”

Walang nag-encourage na, uy may audition ng ganito?

“Nakita ko lang sa Facebook eh, ‘we’re open. We have auditions for Bagets: The Musical.’ Ipinakita ko sa manager ko. Sabi niya, ‘okay lang. You can do that kasi syempre gusto namin mag-grow ka. Kahit ibang management, we want you to grow.’”

Kanino nga ulit character ‘yung pinortray mo?

“Iyong kay Raymond Lauchengco. Actually, I auditioned for two roles. Iyong role ni Aga Muhlach and ‘yung role ni Raymond Lauchengco. Pero mas na-feel ko ‘yung Raymond Lauchengco.”

Ang Bagets: The Musical ay joint production of Viva Communications Inc., The Philippine STAR, and Newport World Resorts, under the creative vision of PETA.