Alden, tumanggi sa ‘Award!’

MANILA, Philippines — Naghakot ng awards sina Rhian Ramos, at Joshua Garcia sa katatapos na 37th Philippine Movie Press Club Star Awards for Television noong Linggo.

Nakuha ni Rhian ang special award na Female TV Star of the Year habang si Alden Richards sa Male TV Star of the Year naman, pero on the spot ay tumanggi ang aktor.

Hindi napilit si Alden na umakyat ng stage, at nakiusap na hindi siya puwede dahil conflict daw sa kanyang endorsement ang sponsor nito. Baka raw mademanda siya kaya todo iling at pagtanggi ng aktor sa award.

Agad namang nagsigawan ang audience na binabanggit ang pangalan ng boyfriend ni Rhian na si Sam Verzosa bilang kapalit ni Alden.

Samantala, sobrang proud at happy nga ang BF ni Rhian na all-out daw ang kanyang support sa lahat ng gustong gawin ng aktres.

Laging nakaalalay at to the rescue agad si Sam para kunin ang mga bitbit ng girlfriend.

Super happy si Rhian sa kanyang awards at lalo pa raw siyang na-inspire na magtrabaho. Pero in case na any moment na magyaya ang kanyang BF na magpakasal sila, willing daw ang aktres kung anong puwedeng mangyari. “That’s going to be one of my most important roles. If ‘yun ang magiging blessings sa akin ni Lord, why not?” nakangiting pabulong na sagot ng aktres habang nakatingin sa BF niyang naghihintay sa kanya.