Pamilya nina Vin at Sophie, kumpleto na
Sinilang na ni Sophie Albert ang ikalawang baby girl nila ni Vin Abrenica.
Nag-share si Sophie ng maraming photos sa social media ng bagong baby girl nila ni Vin na pinangalanan nilang Amara Kristina.
“First days with our sweet girl, Amara Kristina. Our hearts are overflowing, our family of four is complete,” caption ni Sophie.
Masayang-masaya ang kanilang panganay na si Avianna Celeste sa pagdating ng kanyang baby sister.
Huling napanood si Sophie sa 2023 afternoon teleserye ng GMA na The Missing Husband.
Wicked Stars, bilib sa husay ng mga pinoy sa kantahan
Agree ang dalawang stars ng Wicked na sina Ariana Grande at Cynthia Erivo na mahusay pagdating sa kantahan ang mga Pinoy.
“Filipinos are the best singers in the world. Honestly, they have the best voices, too,” sey ni Ariana na dalawang beses nang nag-concert sa Pilipinas in 2015 and 2017.
Napanood nila ang isang video kunsaan effortless na inawit ng dalawang Filipino singers ang Defying Gravity mula sa Broadway musical na Wicked.
Nasabi lang ni Cynthia ay: “That’s amazing, that’s gorgeous, wow!”
Dagdag pa ni Ariana na very warm, loving and caring ang mga Pinoy at looking forward siya na ma-meet ulit ang kanyang Pinoy fans soon.
Si Cynthia naman daw ay gustong mabisita ang Pilipinas dahil may nagsabi sa kanya na masasarap ang pagkain dito at magaganda ang beaches.
- Latest
