Ryan, dalawang beses pakakasal!

Nagpapasalamat ang Korean actor-comedian, host at entrepreneur na si Ryan Bang sa pamilya ng kanyang fiancée na si Paola Huyong dahil tinanggap siya nang buong-buo ng mga ito gayundin ang kanyang separated parents in Seoul, South Korea kung saan nabuo ang Filipino tradition na ‘pamanhikan.’

Nung bago pa lamang ang relasyon nila ay agad niya dinala ang kasintahan sa Korea para ipakilala sa kanyang parents na hiwalay na since 2005. Pero dahil sa kanyang personal request, magkasama ang parents ni Ryan nang ipakilala niya ang nobya. Magkasama rin ang estranged parents ni Ryan nang magkita-kita sila kasama ang parents ni Paola.

Randy, ramdam pa ang sakit sa nawalang anak

Sa darating na Aug. 13 ay 7th death anniversary ng second son ng mag-asawang Randy Santiago at Marilou Coronel na si Ryan Leonardo na sumakabilang-buhay nung Aug. 13, 2017 sa edad na 24.

Hindi ikinakaila ni Randy na kahit nakapag-move on na umano sila ng kanyang pamilya ay hinding-hindi umano nila makakalimutan ang pain ng pagkawala nito. Ito ang dahilan kung bakit hanggang ngayon ay nasa bahay nila ang urn ng kanyang second son prominently displayed kasama ang larawan nito.

Except for his personal presence, ramdam ng mag-asawang Randy at Marilou na kasa-kasama pa rin nila araw-araw ang kanilang namayapang anak.

Ang panganay na anak ng mag-asawa na si Raphael ay nakabukod na sa kanila kaya ang bunso nilang anak na si Raiko ang kasama nila sa bahay.

Raiko is graduating from college this month.