Sue, nagkalaman kay Dominic 

Ang bongga naman nina Dominic Roque at Sue Ramirez na spotted na holding hands na while walking.

Kumalat ang litrato nila kahapon na nakuhanang tumatawid sa Rockwell daw iyon.

Mukhang ito na nga ang sagot nila sa mga nagtatanong sa estado ng relasyon nila. Sa pag-holding hands nila ay mukhang opisyal na nga ang relasyon nila.

Malabo rin naman daw itong maging gimik ayon sa mga netizen dahil hindi naman na aktibo ang ex ni Bea Alonzo sa showbiz career niya. Wala rin naman daw project ang dalawa para mag-promo ng ganon.

Isa rin sa napansin sa ex ni Victorias City Mayor Javi Benitez ay lumulusog ito ngayon. Mukhang alagang Dominic daw ito. 

Baka naman ine-enjoy lang ni Sue ang bakasyon at balik na ulit siya sa pagwo-workout pagkatapos ng holidays.

Pero mas marami naman ang suportado ang dalawa sa relasyon nila dahil lutang daw ang saya ng dalawa.

Ang ibang fans nga nasabik agad at gusto agad magpakasal ang dalawa. ‘Kaloka.