Mavy, inaming may iniyakan nakaraang taon!

Nilabas ng anak nina Carmina Villarroel at Zoren Legaspi na si Mavy Legaspi ang kanyang kanyang saloobin nang magselebreyt siya ng kanyang 23rd birthday.

Kahapon ang birthday nila ng kakambal na si Cassy Legaspi.

Binahagi niya sa isang post ang mga pinagdaanan niya nakaraang taon at mga plano naman niya sa future kasama ng kanyang litrato.

Caption niya, “i have laughed, i have cried, i have stumbled, and i have soared. through it all, i have learned to trust in the process, to embrace the unknown, and to believe in my own strength.”

Ngayong birthday raw niya ay mas pipiliin niyang mag-focus sa pagpapakatotoo kesa sa expectations at pressure mula sa mga tao sa paligid niya.

“this birthday, i choose to let go of the expectations and pressures that society imposes and instead focus on living authentically and passionately.

“more love,” dagdag niya.

Mukhang hindi nga madali ang pinagdaanan niya nakaraang taon.

Napapabalitang hiwalay na sila ng karelasyong si Kyline Alcantara pero wala pa silang inaamin tungkol sa nangyari sa kanila.

Kaya hinihintay ng fans kung magsasalita sila kagaya ng ilang showbiz couples na naghiwalay rin nakaraang taon.