Ayaw umamin dahil iisa ang manager Dennis at Tom parehong exclusive kina Jennylyn at Carla

MANILA, Philippines – Constant date ni Dennis Trillo si Jennylyn Mercado.

Ganoon din ang drama ni Tom Rodriguez kay Carla Abellana.

Kahit obvious na nagkabalikan na sina Dennis at Jennylyn, hindi naman nila kinukumpirma ‘yon. Basta labas lang sila nang labas. Dedma sa sinasabi ng mga nakakakita sa kanila.

Sina Tom at Carla naman, binibitin pa ang fans at hindi pa sabihin na sila na talaga.

Pareho ng manager sina Dennis at Tom, si Popoy Caritativo.

Ang manager na nina Dennis at Tom ang inusisa ko tungkol sa kanya-kanyang lovelife ng kanyang mga alaga.

Ipinagdiinan ni Popoy na hindi niya tinatanong si Dennis tungkol sa kung ano na nga ba ang “label” ng relasyon nito kay Jennylyn, pero napansin nga ng manager na hindi naman inililihim ng dalawa ang madalas na pagde-date.

“Siguro ganoon na rin ‘yon, hindi ko kasi tinatanong si Dennis. Pero sila naman ang madalas na magkasamang lumalabas,” sabi pa ng manager.

Ang alam naman daw niya kay Tom, exclusive date nito si Carla, pero ‘yon nga rin daw, wala pa siyang alam kung umamin na ang dalawa dahil siya mismo ay hindi rin daw nang-uusisa sa kanyang alaga.

Anyway, kahit parehong walang kumpirmasyon sa kani-kanilang relasyon ang dalawang pareha, obvious na naman na may mga relasyon sila, huh!

Hiwalayang Lovi at Rocco sanga-sanga na ang kuwento

As of yesterday, inaayos pa ang mini presscon ni Lovi Poe para mai-promote ang finale week ng Beautiful Strangers, ang primetime teleserye nila ni Heart Evangelista sa GMA 7.

Pero may ilang nag-a-advice na huwag na lang munang magpainterbyu si Lovi dahil baka ma-focus lang sa mga issue sa kanila ng rumored ex-boyfriend daw niyang si Rocco Nacino ang mga itatanong sa kanya ng entertainment press.

Nagsanga-sanga na kasi ang tsika tungkol sa break-up daw nina Lovi at Rocco.

Snooky sa mga nanay ng favorite basketball player nakikitsika

Lumabas ang pagiging basketball fan ni Snooky Serna nang manood siya ng last UAAP game ng Blue Eagles basketball team ng Ateneo de Manila University.

Kinulit-kulit ako ni Snooky na gusto niyang magpa-picture kina Kiefer Ravena at Von Pessumal, pero natagalan lumabas ng dug-out ang dalawang star players ng Ateneo at niyaya na siyang umalis ng kanyang mga kasamahan kaya hindi na nakapagpa-picture ang aktres kasama sina Kiefer at Von.

Ang parents na lang ng dalawang players ang tsinika-tsika ni Snooky at sinabing tagahanga siya nina Kiefer at Von.