Jennylyn pinanindigang hindi wasak ang puso sa hiwalayan nila ni Dennis

Nilinaw ni Jennylyn Mercado na hindi raw siya ang may ayaw na i-extend pa ang serye niyang My Faithful Husband sa GMA-7 kungdi ang kanyang schedule.

“Kung ako lang ha, bakit hindi i-extend, ‘di ba? Minsan-minsan lang naman nagkakaroon ng soap so mas maganda kung mahaba. Pero dahil wala na rin…kasi hanggang doon na lang din ‘yung contract namin, so wala na rin akong magagawa. Hindi naman ako ang nagdesisyon,” sabi ni Jen.

Three times a week kasi ang taping ng serye at hindi niya kakayanin ito dahil nakaplano na ang mga gagawin niya for the rest of the year. May shooting schedule na siya ng Walang Forever na movie nila ni Jericho Rosales kaya paano pa raw siya makakapag-taping ng serye.

Bukod dito ay may cooking show at Starstruck pa siya sa GMA-7.

Kaya nang matanong sa kanya ang love life, aniya ay sa trabaho lang daw siya talaga nagpo-focus ngayon.

May bali-balita kasing break na sila ni Dennis Trillo at aniya, paano raw mangyayari ‘yun.

“Paano nangyari ‘yun? Wala, wala, hindi ko alam kung saan galing,” pag-iwas niya.

May nagsabing hindi siya halatang heartbroken at say niya, “excuse me, hindi ako heartbroken. Okay pa naman ako. Saan galing, teh?”

So, buo ang puso niya at hindi broken, ha?

“Oo naman, buo talaga. Simula nang ipanganak ako, buo ang puso ko,” sabi niya.

Basta panoorin na lang daw ang The PreNup movie nila ni Sam Milby na showing na sa Oct. 14 dahil kakaibang Jennylyn naman daw ang mapapanood after ng English Only Please.

Throwback ang peg Dindi Gallardo willing makipag-love triangle kina Sharon at Gabby pag nagbalikan sa pelikula

Desidido na ang dating beauty queen at aktres na si Dindi Gallardo na magbalik-showbiz kaya last Tuesday ay pumirma siya ng 5-year-contract sa Viva Entertainment.

“I was a Viva artist ever since,” sabi ni Dindi nang makausap namin sa contract signing, “all of my movies before were under Viva, may kaunting Regal din, mayroon ding Star Cinema, but Viva kept me busy talaga. I was doing five to six movies a year, ang dami kong naging pelikula noon, almost 40 movies, 50 pa nga yata.

“I feel so at home with them. Eh saan pa ako pupunta, eh Viva lang naman talaga, eh,” she said.

Si Dindi ay sumikat at naging aktibo sa showbiz noong dekada 90 matapos siyang manalo as Bb. Pi­li­pinas-Universe noong 1993. She left for New York in 2001 dahil bukod sa naroroon ang family niya, that time ay pa-sexy na raw ang trend sa movies.

May mga limitasyon daw siya as an actress at hindi niya kaya ang mga sobrang daring na roles.

Nilinaw niya na hindi dahil kay Gabby Concepcion na dati niyang nakarelasyon kaya siya umalis before.

“Si Gabby, 1992 pa siya (ang naging relasyon nila), 2011 ako umalis. Hindi siya ang dahilan,” she said.

Okay naman daw sila ni Gabby kahit noong after the break-up pa. Lalo na ngayon dahil may kanya-kanya na silang buhay. She’s happily married now with her American husband.

Bakit siya nag-decide na bumalik ng Pilipinas at magbalik-showbiz?

 “I always knew that I’d be home, actually, by 40. ‘Yung pagbabalik-showbiz, hindi ko pa naisip until last year. I went to a friend of mine, he’s a producer, he produced Bonifacio…, and he said “Dinds, come here, we’re in a studio, we’re in last day shoot, daan ka.” Sabi ko, sige. Pagpunta ko do’n, talagang I didn’t expect that I would have this epiphany na wow, I have missed showbiz so much!”

So, doon na raw nag-start na parang senyales na ‘yun na gusto niyang umarte ulit. Nag-guest muna siya sa drama anthology na Karelasyon sa GMA-7 with Aljur Abrenica and Kris Bernal. At heto na nga, naging mabilis ang pangyayari at pumirma na siya sa Viva.

Wala raw siyang ine-expect na anuman sa kanyang pagbabalik, willing daw siyang magsimula ulit from scratch at hindi siya naghahangad ng kasikatan pa.

Willing ba siyang makatrabaho si Gabby ulit?

 “Why not? We’re all artists, okay naman kami ni Gabby. I have nothing against Gabby. Tagal na nu’n, I was 21, and I’m 45 now.”

How about working with KC Concepcion?

“Oo naman, love ako ni KC. Seven years old pa lang (siya) magkakilala na kami, okay kami.”

Okay din daw sila ng ex-wife ni Gabby na si Sharon Cuneta at nagkatrabaho pa sila dati.

“I’m good with them, showbiz lang naman ang nagsasabi na hindi.”