Baby shower nina Dingdong at Marian ibinuko ng fans

Today na nga ba ang baby shower ng coming baby nina Dingdong Dantes at Marian Rivera? Naka­katuwa ang fans ng tinaguriang royal couple dahil sila ang excited sa baby shower at maingat nilang ipinaalam kung saan at kung ano’ng oras ito ga­gawin. Basta sabi nila somewhere in Makati raw. Naalaala namin ang sabi noon ni Marian na ka­hit maraming gustong magbigay ng baby sho­wer, minsan lamang nila ito gagawin hindi tulad noong ilang bridal shower na ginawa sa kanya last year.

Drew at Iya nakabuo na sa Japan?

Kababalik lamang ng Japan mula sa pagbabakasyon ang mag-asawang Drew Arellano at Iya Villania. Ito na kaya ang sagot ni Drew noong presscon ng Home Foodie na pinag-uusapan na nilang mag-asawa ang pagkakaroon nila ng anak? Pero bago umalis, nag-tape na si Drew ng mga segment na ipalalabas sa bagong cooking show na iho-host niya na magsisimula na ngayon after ng Unang Hirit sa GMA 7.

Mahilig talagang magluto si Drew para kay Iya dahil wala silang helpers sa bahay. Si Iya naman ang tagahugas daw ng pinggan.

Masaya si Drew na sa kanya ini-offer ang show kasama ang tatlong chefs from San Miguel Pure Foods Culinary Center na siyang gagawa ng mga re­cipe para sa show. Tatagal lamang for three minutes ang show kaya puwede ninyo itong i-download kahit sa inyong mga cell phone. Kahit daw maikli lamang ang show, marami pa rin kayong matututunan.

Nagsenyasan sa pagsagot Dennis at Jennylyn ayaw pa rin umamin sa relasyon

Hindi napaamin sa Startalk sina Dennis Trillo at Jennylyn Mercado na sila na talaga ngayon, nang mag-promote sila ng bago nilang drama series na My Faithful Husband na mapapanood na simula mamayang gabi, pagkatapos ng Beautiful Strangers sa GMA telebabad. Pansin na bago sumagot ang dalawa, nag-uusap ang kanilang mga mata kung ano ang isasagot. Tama sigu­ro ang sabi ni Dennis noong presscon na ayaw na nilang gawing kumplikado ang kanilang relasyon ngayon ni Jennylyn kaya nagtuturuan sila kung ano ang isasagot sa mga tanong. Kaya walang nagawa ang mga host ng show kundi hayaan na lamang silang mag-promote ng serye na dinidirek ni Bb. Joyce Bernal. Basta ang isang mapapansin, mukhang mas bumata ang hitsura ni Dennis at lalong gumanda si Jennylyn at halatang masaya siya sa muli nilang pagtatambal.

Beautiful Strangers magsisimula na!

Simula pa raw lamang ng Beautiful Strangers mamayang gabi pagkatapos ng Pari ‘Koy. Maiigting na ang mga eksena nina Christopher de Leon, Dina Bonnevie, at Ayen Laurel. Magpapasilip na rin ng mga eksena sina Heart Evangelista, Lovi Poe, Rocco Nacino, at Benjamin Alves, na mula sa direksyon ni Albert Languitan.

Yaya Dub at Alden hindi pa meant to be na magkita

Wala nang dapat ipag-alala ang fans ng AlDub (Alden Richards at Yaya Dub) dahil okey na si Yaya Dub, matapos siyang himatayin sa kalyeserye wedding scene noong Sabado. Dapat pala kahit malayo ay magkikita na sina Alden at Yaya, according sa Executive Producer ng Eat Bulaga, pero wala nga sa script na hihimatayin si Yaya at kinailangang dalhin siya sa hospital. Over-fatigue ang dahilan ng pagkawala ng ulirat ni Yaya na mabuti na lamang nakakapit kay Jose Manalo bago siya bumagsak na kung napanood ninyo ay nadala pa niya sa pagbagsak ang komedyante. Abangan ang susunod na eksena mamaya sa EB.