Marian tinupad ang pangako, mamimigay na uli ng puhunan!

Sa mga nagtatanong, yes, babalik na si Ma­rian Rivera-Dantes sa Juan For All, All For Juan segment ng Eat Bulaga bukas, Saturday, January 24. Matatandaan, na sa bridal shower na ibinigay ng show bago siya ikinasal, napaiyak pa si Marian habang nangangako na once nakabalik na sila ng husband na si Dingdong Dantes mula sa honey­moon nila, ay babalik ito sa show. Marami raw siyang natutunan sa show at doon niya nalaman na ma­raming nagmamahal sa kanya kaya hindi niya ito iiwanan. Ibig sabihin, balik na rin ang pagbibigay ng show ng Puhunan Ni Marian sa mga mapipili nilang contestant. Pansamantala kasing inihinto iyon habang wala sa show si Marian. Kaya first time na mapapanood si Marian sa pagbabalik sa TV sa kanyang bagong hairstyle kung saan nagmukha siyang bata. Kita mo ang happiness sa magandang mukha ng bagong misis.

Miguel at Bianca mabenta pati sa probinsya

Kahit kami ay kinikilig kapag napapanood na­ming naggi-guest ang tween love team na sina Miguel Tanfelix at Bianca Umali dahil kita mo na ang closeness nila. Makikita mo rin ang pagka-gentleman ng bida ng Once Upon A Kiss sa kanyang leading lady. At nagugulat din ang GMA Regional TV head na laging niri-request sa mga pinupuntahan nilang provinces ang dalawang teen stars simula nang mapanod nila ito sa kanilang primetime drama series na may pagka-fantasy ang concept.

Kagagaling lamang nila sa Ati-Atihan Festival sa Aklan last January 13, at bukas naman, sila ang tampok sa Corporate Parade para sa Dinagyang Festival sa Iloilo City. Makakasama nila sina Betong Sumaya at Pekto Nacua as their hosts sa Kapuso Night ng Dinagyang Festival.

Enzo inaral nang mabuti kung paano maglihim

Challenged pala si Enzo Pineda sa role niya sa More Than Words kung saan kasama niya sina Elmo Magalona at Janine Gutierrez. Natutuwa raw siya kapag may viewers na nagagalit sa kanya dahil sa pagkamaangas niyang role bilang si Nate. Ibig sabihin, effective ang acting niya. Pinag-aralan daw niya talagang mabuti at nag-attend siya ng workshop for his role dahil kabaligtaran ito ng tunay niyang ugali, off camera. 

Napapanood ang More Than Words after ng 24 Oras sa GMA-7.

Rochelle laging pagod

Para naman kay Rochelle Pangilinan, pinaka-challenging role na nagampanan na niya si Esmeralda na kontrabida sa afternoon prime na Ang Lihim Ni Annasandra. Biro ni Rochelle, wala pa yata siyang eksenang nakangiti rito. Kung hindi siya umiiyak, galit na galit siya dahil masyado siyang obsessed kay Annasandra (Andrea Torres) na inang­kin na niyang anak at hindi makapapayag na mawala sa kanya. Kung minsan nga raw ay umuuwi siyang parang pagod na pagod sa ginawa niyang eksena pero natutuwa siya kapag napupuri naman ang acting niya.