Dating may-ari ng junk shop, may-ari na ng hotel sa Boracay puro ginto rin ang dekorasyon sa bahay!

MANILA, Philippines – Ngayong Miyerkules, kilalanin ang negosyanteng si Joey Peña na nagsimula sa negosyo ng junk shop pero ngayon ay may-ari na ng isang hotel sa Boracay sa lifestyle program na Powerhouse sa GMA7.

Aminado si Joey na ipinanganak siyang may-kaya sa buhay pero dahil nalulong siya sa bisyo, naranasan niyang maghirap at magsarili. Para makabawi sa pamilya, naisip niyang pasukin ang negosyo ng junk shop. Dito niya napatunayang may pera sa basura. Mula rito ay nagsunud-sunod na ang kanyang suwerte hanggang sa makapagpatayo sila ng isang hotel sa Boracay.

Isang bahay rin sa isang subdibisyon sa San Juan ang naipatayo ni Joey. Si Architect Noel Gonzales ang nagbihis sa kanyang Victorian-inspired na tahanan na may mga muwebles na pinasadya pa mismo mula sa Italy.

Ginto ang prominenteng kulay ng buong bahay na may labing-isang kuwarto.

Alamin ang “magic touch” ng negosyanteng si Joey Peña ngayong Miyerkules sa Powerhouse, 4:35 p.m. sa GMA-7.