Alam daw na may ‘kababalaghang’ nangyayari, insecure na aktor hindi matanggap na hindi pa siya ginagawang bida

How true na nagde-demand na ang male celebrity na ito na mabigyan na siya ng lead role sa isang teleserye?

Reklamo nga raw nito parati sa kanyang manager ay lagi na lang daw siyang support sa mga ginawa nitong teleserye. Never pa raw siyang nagbida. Para ano pa raw ‘yung pinapirma siya ng kontrata? Para lang maging support parati?

Ayon sa aming source ay matindi ang insecurity nito ngayon sa isang aktor na mabilis na nabigyan ng break. Mas nauna nga raw siya rito pero bakit support pa rin siya, pero ‘yung aktor ay kinuha na maging leading man.

Ginagawa naman daw ang lahat ng manager ni male celebrity para makakuha ito ng project na siya ang bida. Pero nakukulangan pa raw sa kanya in terms of acting and popularity ang mga bossing ng network. Kaya pinapahinog pa raw siya sa mga supporting roles na ibinibigay sa kanya.

Noong iparating ito ng manager sa male celebrity, hindi raw nito matanggap ang rason na iyon.

Alam niyang may kung ano’ng milagro ang nangyayari kung bakit masyadong mabilis ang pag-asenso ng aktor na hindi deserving para sa kanya na gawing leading man.

Daniel at Charlie inaming mainitin ang ulo kaya natanggal sa Amazing Race

Marami ang nag-akala na ang Team Juan Direction ng British-Filipinos na sina Daniel Marsh at Charlie Sutcliffe ang laging mangunguna sa The Amazing Race Philippines Season 2.

Pero never nga raw silang nauna sa mga challenges at last week ay sila ang natanggal dahil last silang nakarating sa pit stop.

Ikinuwento ni Charlie na natagalan daw sila ni Daniel sa puto challenge. Naganap ang naturang challenge sa isang puto factory in Calasiao, Pangasinan.

“We couldn’t do the challenge right. It’s because both me and Daniel, we are always tensed. We always stress ourselves out. Sigaw kami nang sigaw, so we wasted so much energy.

“When we finally got the challenge right, we were way, way behind. So we ended up last.

“But it was such a great experience for me and Daniel. We always wanted to join a reality competition show like this and it’s such a blessing that we were chosen to be in season 2 of The Amazing Race Philippines.

“We’ll be in the history books of this show for sure,” ngiti pa ni Charlie.

Kung kanino mang team bilib si Charlie at Daniel, ito raw ay ang Team Nerds na binubuo nila Vincent Yu and Ed Maguan.

Unexpected daw na nauuna ang mga ito sa kanila, considering na hindi naman daw sila physically built tulad nila for the challenges.

“The Team Nerds are very good. They work very fast because they make use of every minute they have. Tsaka hindi sila nagagalit. Unlike me and Daniel, we are a bit hot-headed kaya it affected our chances.

“If there’s one team who deserves to win, I guess it’s Team Nerd because they have such a good chemistry with one another.”

Mapapanood ang The Amazing Race Philippines Season 2 daily on TV5 at 9:00 p.m.

Suot ang gawa ng Pinay designer na si Monique Lhuillier Kaley Sweeting binigyan ng ‘star’ sa Hollywood Walk of Fame

Ang The Big Bang Theory comedienne na si Kaley Cuoco-Sweeting ang latest Hollywood star na makatanggap ng star sa Hollywood Walk of Fame.

Hindi nga makapaniwala ang 28-year-old actress na natupad ang isa sa kanyang pinapangarap noong una siyang dumating sa Hollywood.

“This is a dream come true and I am forever grateful. I would like share this moment with my husband of 10 months, Ryan Sweeting.

“Thank you for dealing with a lot of Kaley days. I love you… and this would not be the same without being able to share it with you today,” sey pa niya.

Present din sa event ang executive producer ng The Big Bang Theory na si Chuck Lorre at ang co-stars ni Kaley na sina Johnny Galecki, Jim Parsons, Simon Helberg, at Kunal Nayyer.

Suot ni Kaley sa special event na ito ang isang pink Monique Lhuillier top and skirt.