Lucy ayaw na ayaw sa hip-hop

Hanggang maari ayaw nang magsalita ng tapos ni Lucy Torres dahil madalas daw nababali rin ang kanyang mga sinasabi.

Kasi naman katulad noong nag-promise na never siyang magjo-join sa showbiz. Pero nakapag-asawa pa siya ng mala-Adonis sa kagwapuhan na si Richard Gomez. Pero more on hosting ang ginagawa niya kaya hindi niya raw kailangan umaakting sa harap ng kamera. Minsan lang siyang lumabas sa movie ni Bong Revilla dahil may kapalit itong school building bilang talent fee niya sa Resiklo.

Never din niyang pinangarap pumasok sa politics pero naging congresswoman pa siya. “Hello! Look where I am now,” natatawang sabi ng masipag na Kongresista ng Ormoc. 

Mabuti na lang daw too late na para pumasok siya sa anumang beauty contest na ayaw na ayaw talaga niyang sumali kahit pinagtutulakan pa siyang mag-join dati ng kanyang mga kaibigan.

Sure naman kaya ang Congresswoman/TV host na never niyang kakainin ang sinabi niyang hindi-hindi siya mapapasayaw ng hip-hop dance sa bago niyang show na Dance Celebrity Battle sa TV5 na magsisimula ngayong darating na Sabado?

Never daw kasi niyang ma-imagine na magsasayaw ng hip-hop at nakasuot pa ng maluluwag na pants.

Sinubukan naman ng Kongresista ang hip hop dance, kaso isang step pa lang daw ay inabot na siya ng isang oras bago nakuha kaya huwag na raw ipilit pa.

Ibang sayaw na lang daw ang i-request sa kanya tulad ng rumba dahil enjoy siya sa galaw ng dance steps nito na effortless pang ipapakita ng Dance Goddess ng Philippine Television ang kanyang dance talent.

Ready nang maghanap si Lucy ng mga celebrity na sasabak sa kanilang dance showdown na may malinis at may pamatay na performance sa Dance Celebrity Battle ng TV5.

Robi gusto munang maglakwatsa

Umani ng magagandang review ang special episode ni Robi Domingo na Lakwatsero sa Hokkaido na kahit super late na ipinalabas sa ABS-CBN Sunday Special, worth it naman pagpuyatang panoorin. Kaya humihirit si Robi na kung puwedeng gawing series ang kanyang Lakwatsero project. Ang sabi, hinihintay na lang niyang pirmahan ni Ms. Jing Reyes ng ABS-CBN para matuloy ang kanyang apelang series. Hindi naman daw siya nagpipilit na pantayan ang show ni Aga Muhlach na Explorer o travel show ni Drew Arellano na AHA! ng GMA 7. 

Kung sakaling payagan ng mga Bossing ng Kapamilya Network na gawing series ang Lakwatsero nasa plano na ni Robi na sumugod naman sa bansang Africa. Magkasubukan na raw ng tapang kung hanggang saan ang kaya pa niyang gawin sa kagubatan ng Africa.

 One hundred percent naman na pasok na si Robi sa Pinoy Big Brother Season 5 at The Voice of the Philippines Kids show ng ABS-CBN. Kaya malakas na “Not yet” ang sagot nito sa tanong kung may plano na sila ng kanyang GF na si Gretchen Ho na magpakasal soon. Hindi naman daw sila nagmamadali at gusto pa nilang mag-grow sa kani-kanilang career. So wala pa rin siyang time mag-aral para maging doctor.

Samantala, wish ni Robi na matuloy ang pag-akyat niya kasama ang mga friends sa Mt. Pulag ngayong Holy Week.