Sarah ginawan ng sex video na umabot ng 30 minuto!

MANILA, Philippines - Nawindang naman kami sa video na natanggap namin kahapon sa aming Facebook account. Sex video diumano ‘yon ni Sarah Geronimo.

Naku, hindi kami nag-attempt buksan ‘yon, ’no?! Baka spam na naman ‘yon gaya ng may kumalat na video sa pambubugbog kay Vhong Navarro na kailangan pang i-share bago makita ’tapos wala namang laman.

Take note na more than 30 minutes ang nakalagay na running time sa video. ’Tapos milyon ang likes, huh! Hindi na lang namin pinatulan dahil malamang na gustong kumita ng nag-imbento nun!

Naawa tuloy kami bigla kay Sarah. May pinagdaraanan na nga, ginagawan pa ng kalokohan.

Viva na-master na ang buhay-estudyante

Swak na swak ang showing ng ABNKKBSNPAko!? ng Viva Films dahil mainit ang usapan sa paglilipat ng opening ng classes ng ilang malalaking private schools sa bansa gaya ng Ateneo at University of Sto. Tomas. May panukala ring gawin ito sa elementary at high school students pero walang final word tungkol dito.

Eh panahon din ngayon ng Junior-Senior (JS) prom ng high school students. Isa ang activity na ‘yon sa high school na pinaghahandaan talaga ang mga estudyante.

Naku, pagdating sa mga kabaliwan at kalokohan sa high school, punumpuno ‘yan sa Viva movie na pinagbibidahan nina Jericho Rosales at Andi Eigenmann. Sa ganitong genre, master na ito ng Viva gaya ng prinodyus nitong movie na Estudyante Blues at iba pa.

So,  kung type ninyong balikan ang inyong high school days, sagot diyan ang ABNKKBSNPAko! na showing na this Wednesday!

GMA magPAPAhabol NG sasabihin kay Sarah!

As of presstime, in general lang ang mga pahayag ni Sarah Lahbati sa interview ni Butch Francisco na inilabas sa Startalk kahapon. Ang mag-relax ang ginawa niya sa pagkawala niya sa showbiz dahil hindi na siya umabot sa school sa Switzerland.

May himig pagsisisi sa biglaan niyang pag-alis sa bansa. Down daw siya noon at emotional kaya biglaan ang pag-alis niya. Naging dahilan ang emosyon niyang ‘yon upang magsalita nang hindi iniisip, huh! Nademanda tuloy siya ni Atty. Anet­te Gozon-Abrogar ng civil case ng GMA Network kung saan kontratado siya.

Pero ngayong hapon ito, may important announcement ang GMA. May kinalaman kaya ito kay Sarah?