Raymond nagsalita sa pagiging biased sa pamilya!

Sa presscon ng bagong talk show ng TV5 na Showbiz Police aired every Saturday at 6:00 p.m., natanong ang hosts na sina Rep. Lucy Torres-Gomez, Cristy Fermin, Joey Reyes, at Raymond Gutierrez hinggil sa iba’t ibang issue at game naman nila itong sinagot.

Like si Rep. Lucy ay natanong kung hindi ba siya naiilang kapag napag-uusapan ang mga kapwa kongresista at mga senador na kaibigan din naman niya na involved sa pork barrel?

“No. Even in Congress it’s talked about. It’s talked about in every household and you can talk naman about things without having to judge the personalities involved,” sagot niya.

“So, there’s no awkwardness. There is awkwardness kung, kunwari, in a discussion, kinu-crucify ’yung mga personality involved kahit hindi pa tapos ’yung kaso.

“And then, in the past, nakita rin natin ’yung… like the COA Chairman Pulido Tan, mayroon talagang isang congressman na nadiin only to find out that it really wasn’t true,” sabi pa niya.

Si Raymond naman ay natanong kung hindi ba siya magiging biased sa pagbabalita tungkol sa pamilya niya tulad ng ina niyang si Annabelle Rama at mga kapatid na sina Ruffa and Richard.

“I’m no stranger to that because when I entered this game as a showbiz talk show host, ang unang issue noon ay ang hiwalayan ng aking ate (Ruffa) ’tapos with all the controversies that my family has been through I think I know well enough and I understand this game well enough to (know) when to be a son, when to be a brother, and when to be a professional talk show host.

“And I think, alam naman nila ’yun, when I do my interviews, walang bias, I’m just trying to do my job,” giit ni Raymond.

Si Direk Joey naman ay natanong kung balak ba niyang tapatan si Boy Abunda bilang King of Talk at aniya ay wala sa hinagap niya ito.

“Boy Abunda is a master in this game and I’m just a neophyte. Siguro pareho lang kami dito sa bumbunan,” say niyang natatawa, “but it’s really too much assumption on my part to even be compared to someone like Boy Abunda.”

Si Nanay Cristy naman ay natanong hinggil sa komentong masyadong mata­lim ang dila niya at mainit ang mata sa mga artista sa ibang network.

“Kahit naman siguro saang network wala naman kasi kaming pinipili. Kapag may napapansin kami, pampublikong pigura sila, napapansin namin.

“Pero siguro dahil wala namang malaking artis­tang makita pa rito sa TV5 kaya lumilipat muna ako sa dalawa. Pero ’yung mga tagarito rin naman, pinipitik namin. Kapag mayroon kaming pinupuna, natural na may magre-react at hindi magugustuhan,” sagot ni Nanay Cristy.