Vic proud na proud sa pagpapa-sexy ni Pauleen

Deretsong sinabi ni Pau­leen Luna na never na pinigilan siya ni Vic Sotto na gawin ang gusto niyang mangyari. Tulad ng pagpapa-sexy niya sa un­derwear show. Aprubado kay Bossing at bilang patunay, ang TV host/comedian pa ang escort niya.

While the show is going on, pangiti-ngiti lang si Bossing, na tila ipinagmamalaki ang very young girl­friend niya. Si Pauleen naman super kinis at puti all over ang body. Dapat lang na rumampa at makita ang kaseksihan.

Hilda Koronel mas bagay makasama ni Susan Roces

Monday evening pa nabalitang nag-resign na si Amalia Fuentes sa bagong tele-dramang Muling Buksan ang Puso. Hindi ma-reconcile ang mga dif­ferences with the actress and show’s staff. Isang hindi napagkasunduan ang oras ng taping ng artista.

Sa rami ng mahuhusay at magagandang aktres, madali namang makakuha ng kapalit hindi naman ka­ilangan 72 years old din, tulad nang nagbitiw na artista. Nandiyan ang multi-awarded na si Hilda Koronel, na kapag nakasama sa isang teleserye ng movie queen na si Susan Roces, would spiel magic in the tough rating game.

Kung sakali, ngayon pa lang mabubuo ang Susan Roces-Hilda Koronel drama tandem. Tiyak na-imagine na ng mga televiewers ang mga madudulang confrontation ng dalawang batikang aktres sa Muling Buksan ang Puso.

Meanwhile, hanggang hindi pa natutuloy mag-resume ng taping ang show, bubuksan ko muna ang two-door ref sa bahay!

Mayayamang matronang bakla, nag-uunahan kay Paolo Roldan

Nagkapustahan ang mga very rich na matronang baklesh nang makitang rumampa sa isang underwear fashion show ang Fil-Canadian supermodel na si Paolo Roldan. Tunay na naglaway-laway ang mga ateng sa magan­dang pangangatawan ng sikat na international celebrity.

Mag-uunahan ang mga kafatid kung sino sa kanila ang mauunang makagetsing kay Paolo, habang kumakanta ang, “Ako ang nagwagi” ni Ancheng Dulce.

Meron pa kayang tatalo sa bading na mabilis pa kay Lydia De Vega? Kapag siya ay kinabog this time, baka sakaling magpakalalaki na!

Mga shows sa resorts world at casino filipino pinagtatapat

Pakiramdam ng isang showbiz observer, mahirap tapatan ang world-class entertainment na dulot ng Resorts World Hotel. Patuloy ang pagtatampok nila ng pinakamahusay na entertainers at magagandang stage musical, pati mga live concert.

Tumangging ikumpara ito ng aming kausap sa klase ng entertainment na bigay naman ng mga Casino Filipino outlet all over the country, pati na sa kanilang malaking theater, na maari rin ang live concert venue. Puwede rin magtanghal ng stage musical doon, tulad nang ginagawa ng Resorts World.

Mula naman sa aming pananaw, ang madalas mag-perform sa Casino Filipino ay ang the usual Pi­noy entertainers na buong taon ay lumiligid, upang mag-entertain sa mga Casino.

Kung may sapat na inilalaang budget ang Resorts World, higit naman kayang kaya ng Casino Filipino ang magtanghal ng malaking live shows

6 Judy Ann maraming paghuhugatan ng pagiging battered wife

Magkakaroon na naman ng mga haka-haka kung kanino based ang role ni Judy Ann Santos na battered wife sa bagong teleseryeng Huwag Kang Lang Mawawala. Sabi nga ng ilang movie scribes, maganda ang timing ng pagpasok ng show.

Matagal nawala sa ganitong TV genre si Juday, pero tila marami na siyang paghuhugutan upang magampanan ng buong husay ang kanyang bagong papel.

Sumpa ng isang writer pinagdudusahan pa ng aktor

Nakarating sa amin na isa palang kapatid sa hanapbuhay ang nagbitiw ng isang sumpa para sa sikat na aktor. Ilang dekada na nangyari ang away nila sa artista, pero  hindi niya magawa ang magpatawad.

Nasaktan nang husto ang manunulat kaya’t hanggang ngayon parang may bisa pa ang sumpang nagdala ng kamalasan sa aktor, sa  isang napili niyang larangan.

Kaya naman pangiti-ngiti lang ang writer sa mga misfortune na tinamo ng artista, the past years.

Sa palagay naman namin, ang Poong Maykapal hindi marunong magparusa at humusga ng kanyang mga nilalang, alam naman natin ang sagot dito ng ating mga katoto: “Tao lang sila at hindi Diyos.”