Sen. Chiz at Heart pakakasal na?!

Hoy, Salve A., ’di kaya kasalan na ang next na mababalitaan natin kina Sen. Chiz Escudero and his lady love now na muling nanalo for the same position ang pulitiko?

Ang tinutukoy natin na lady love of course ni Sen. Chiz ay si Heart Evange­lista na talaga namang ipinaglaban ang kanyang pagmamahal sa senador kahit pa lantaran ang disgusting na nararamdaman ng mga magulang ni Heart sa kanya.

Tulad nang ipinahayag ni Sen. Chiz earlier before the elections ay ’di natin nakita sa kahit alin mang entablado na kabilang ang senador na nangangampanya with the rest of the P-Noy team.

Joross alam ang pinagdadaanang personal ni JM

Happy kami, sa totoo lang, sa kasalukuyang nangyayari sa showbiz career ni Joross Gamboa who was before solely identified as a Kapamilya.

Produkto kasi si Joross ng isang reality show in search of new stars conducted by ABS-CBN.

Now, of course, we see Jorros na lumalabas sa TV5, specifically sa programang Boracay Bodies. Agaw-pansin ang performance niya sa nabanggit na programa.

Pero ’di rin naman ito nangangahulugan na wala na siyang lugar kumbaga sa dating network na kanyang kinabibilangan. In fact, he was in Star Cinema’s blockbuster film It Takes a Man and a Woman with John Lloyd Cruz and Sarah Geronimo.

Star Cinema is, of course, the film arm ng ABS-CBN.

As still a Kapamilya, natural lang na marami pa siyang kaibigan sa mga artistang under contract to the network. Kasama na si John Lloyd, of course, at sina Ketchup Eusebio at JM de Guzman.

Asked naman kung bakit ’di na as busy as he used to be si JM sa kanyang showbiz career, inamin ni Joross na may pinagdadaanan ang kaibigan but he’d rather not touch on it. It’s too personal daw kasi.

Meanwhile, kahit busy with work, tinatapos pala ni Joross ang kanyang pag-aaral. He is taking up communication arts at a university in Metro Manila.

Where his love life is concerned, happy daw siya with his non-showbiz girlfriend. In a few years, he might propose marriage to her kasi he is eager na raw to start a family of his own.

Bea sa teaser lang nakita ang ‘kabaklaan’ ni Zanjoe

Speaking of a stable relationship in showbiz, there’s no doubt na ang current relation between Bea Alonzo and Zanjoe Marudo is one of them. Obvious na ang dahilan, according na rin kay Zanjoe mismo, ay dahil nagbibigayan sila ng girlfriend lalo’t where their career is concerned.

Both of them don’t even bother to seek the approval of either of them bago tumanggap ng assign­ment. Kaya raw half way na ng shooting niya for Bromance bago nalaman ni Bea ang dual role na ginagampanan ng boyfriend, that of a gay and a macho.

And it is because, kuwen­to ni Zanjoe, napanood ni Bea ang teaser ng movie sa TV screen at tawang-tawa ito habang pinapanood siya.

In his case, ’di ba siya mag­re-rect kung napapanood niyang nakikipag-kissing scene si Bea sa kanyang pelikula o TV series?

“Hindi,” ang mataginting na sagot ni Zanjoe. “Kung anuman ang ginagawa namin sa harap ng ka­mera, part of our profession ’yun.”

Busy as a bee, kumbaga, si Zanjoe sa kasalukuyan dahil kasisimula lamang niyang mag-taping for the series Anna Liza, a remake na ginampanan ng yumaong Julie Vega some 20 years back. And playing the title role this time is child actress An­drea Brillante. First project ito ng business unit na pinamamahalaan ni Direk Ruel Bayani.