Maid of Honor (208)
HINDI inaasahan ni Inah na tatawagan siya ng kapatid na si Yana. Ilang buwan ding hindi nakatawag si Yana. Hindi naman niya ito matawagan dahil sobrang busy sa resort.
“Yana, kumusta? Ngayon ka lang tumawag?’’ tanong ni Inah.
“Busy ako sa pag-aaral, Inah. Magtatapos na ako ng nursing aide sa Abril.”
“Congrats!’’
“Kumusta ka? Sina Itay at Inay, kumusta sila?”
“Okey naman kami. Malakas sina Itay at Inay. Laging nasa tabing dagat.’’
“Mabuti naman.’’
“Ikaw, Yana, okey ba ang kalagayan mo?”
“Oo Inah,’’ sagot ni Yana. Hindi na niya ipinaalam ang nangyaring aksidente na nakaladkad ng motorsiklo makaraang agawin ang bag ni Ate Bianca.
“May boyfriend ka na Yana?’’
“Wala pa,’’ hindi sinabi ni Yana na may namamagitan sa kanila ni Ram. “Ikaw Inah, may siyota na?’”
“Wala.’’
“Siyanga pala, Inah, sabi ni Kuya Honor wala na siyang balita kay Kuya Rocky.’’
Hindi nagsalita si Inah. Wala siyang sasabihin na bodyguard na niya si Rocky.
(Itutuloy)
- Latest
