‘Typewriter’
(Part 1)
LAGI kong nakikita ang lumang typewriter sa salas ng bahay nina Lola Pelagia (nanay ng aking mama). Nakapatong ang typrewriter sa luma at maliit na table na gawa sa narra. May kapartner na upuan ang mesa na narra rin.
Sabi ni Lola, si Lolo Pedrito ang may-ari ng typewriter. Ang mesa at bangkong upuan ay gamit din ni Lolo. Ayon sa kuwento ni Lola, si Lolo Pedrito ay typist sa munisipyo. Kilala raw si Lolo sa pinakamabilis mag-type. Bukod sa pagiging typist ay isa rin daw poet si Lolo na nakapagpapalathala ng tula sa Liwayway magazine noon.
Nang magretiro si Lolo sa munisipyo, tumatanggap din daw ito ng trabaho sa mga estudyante at iba pa na nais magpa-type.
Kaya walang tigil ang tagaktak ng kanyang typewriter.
Minsan, nagtaka ako na kahit sa kalaliman ng gabi, may naririnig akong tagaktak ng typewriter. (Itutuloy)
- Latest
