Pinakamalaking talong sa buong mundo, inani ng isang farmer sa U.S.!
Isang magsasaka sa Iowa, U.S.A. na mahilig magtanim ng mga malalaking gulay ang nakapag-ani nang pinakamalaking talong sa buong mundo!
Limang taon ng nagtatanim ng talong ang giant vegetable enthusiast na si Dave Bennet kaya laking tuwa niya nang makapag-ani siya ng talong na may bigat na 8.33 pounds.
Upang mapatunayan na siya ang may pinakamalaking talong, agad niyang ipinatawag si Inspector Ivan Hankins ng Iowa Department of Agriculture at Land Stewardship’s Iowa Weights and Measures Bureau.
Matapos suriin ni Hankins ang talong ni Bennet, nakumpirma na ito nga ang pinakamalaki sa buong mundo.
Sa kasalukuyan, nakikipag-coordinate na si Bennet sa Guinness World Records at nagsusumite na siya ng aplikasyon dahil ang previous record sa naturang records keeping organization ay 7.21 pounds lamang. Masyadong malaki ang talong ni Bennet.
- Latest
