ISANG Turkish paragliding instructor ang nagdala ng sofa at TV set nang siya ay nag-sky diving upang makapag-relax habang nasa himpapawid.
Animo’y nasa sala lang ng isang bahay ang 29-anyos na si Hasan Kaval, ng Izmir, Turkey dahil kumpleto siya sa sofa, lampshade at TV set na pawang mga nakasabit sa isang parachute nang siya ay nag-paragliding sa Babadag Air Sports and Recreation Center.
Makikita sa kuhang video ng kanyang pag-paraglide ang pagre-relax ni Kaval sa sofa habang nanonood ng cartoons sa TV.
Kumuha pa si Kaval ng tsitsirya upang lubos na ma-enjoy ang kanyang panonood ng TV.
Ligtas namang nakalapag si Kaval at kanyang mga kagamitan.
Ayon kay Kaval, ginawa raw niya ang stunt upang maipa-kita kung gaano kaligtas ang sport na paragliding.