ISANG 10-anyos na elementary student sa England ang nagkamit ng Guinness World Record nang magawa niyang sagutan ang 196 na multiplication at division questions sa loob ng 1 minuto.
Pag-aaral ng math gamit ang isang app ang inatupag ni Nadub Gill noong may lockdown pa sa kanilang lugar dahil sa COVID-19.
Sa pamamagitan ng app, at nakipagtulungan sa Guinness World Records, ay naipamalas ni Gill ang galing niya sa math.
Nagawa niyang sagutan ang 196 na multiplication at division questions sa loob lang ng 1 minuto o higit tatlong tanong kada segundo. Sa bilis, tinalo niya ang 700 mga kabataan na lumahok din sa challenge.
Agad namang inisyuhan si Gill ng certificate na kumikilala sa world record na kanyang naitala.