26. Magpahid ng sunscreen para hindi agad tumanda ang kutis.
27. Magsuot ng sunglasses kung summer. Una, for health reason. Pangalawa, for “art” reason. Arte lang, feeling ganda-gandahan. Magkaganoon pa man, nagdudulot ito ng magandang pakiramdam.
28. Laging kumanta. Nakakapagpasaya ito ng kalooban lalo kapag na-realize mong sintunado ka.
29. Do not read beauty magazines. They will only make you feel ugly. Mainam na ‘yung nabubuhay ka sa pantasya na maganda ka.
30. Huwag umasa na laging may susuporta sa iyo. Mas mainam na sanay kang tumayo sa sariling paa.
31. Kung naghahanap ka ng mataas na klaseng produkto o serbisyo, dapat ay payag kang magbayad ng mahal.
32. Bigyan ng oras ang sarili para magbasa ng Bible araw-araw. At hamunin ang sarili na matapos itong basahin sa loob ng isang taon. Magsimula ka na ngayon.
33. Pantayin mo ang amount ng tip na ibibigay sa hair stylist at assistant nito. Oo nga at ang nagpaganda sa iyo ay ang hair stylist pero mas napagod ang assistant sa pag-blower, pag-plantsa at pagpahid ng hair treatment solutions sa buhok mo.
34. Palipasin muna ang magdamag bago sumagot sa taong nag-provoke sa iyo para uminit ang iyong ulo. Hindi nagiging matino ang judgement ng isang tao kung siya ay galit.
35. Kapag nakikipaglaro sa mga bata, laging magpatalo. Hindi mo lang alam ang pride na nadadama nila sa kanilang sarili dahil sa kanilang pagkapanalo. (Itutuloy)