Marami nang krimeng naganap sa bansa
sapagkat nagkalat taong masasama;
gobyerno’t religion ay walang magawa
na gawing mabuti taong walanghiya!
Kidnaper, holdaper, mga akyat-bahay
hindi lamang pera ang kanilang pakay,
dahil sa namulat sa masamang asal
nang-aabuso pa saka pumapatay!
Nangyayaring ito ay hindi mapigil
sapagka’t ang baya’y lubog sa hilahil;
kung tayo’y namulat sa gintong gawain
lahat nang masama ay hindi gagawin!
Sa iba mang bansa’y nagaganap ito
pero di garapal na katulad dito;
nagnanakaw sila – pera lang ang gusto!
at di pumapatay nang maraming tao!