Uok (97)

“HINDI ka magi­ging ‘uok’, Drew?” tanong ni Gab.

“Hindi.’’

“Ako lamang ang mamahalin mo?”

“Oo.’’

“Kahit anong mangyari?”

“Oo. Pangako.’’

“Paano kung may babaing umagaw ng atensiyon mo?”

“Hindi mangyayari iyon.’’

“Salamat Drew. I love you.’’

“I love you too, Gab.’’

“Basta ang usapan natin, huwag nating ipaalam kay Daddy. Ipaalam natin sa tamang panahon ang ating relasyon. Hindi pa ako handa ngayon.’’

“Ikaw ang bahala, Gab. Pero mayroon akong hi­hilingin kung puwede.”

“Ano yun?”

“Puwedeng pa-kiss?”

“Drew ha, wala sa usapan ’yan.’’

“Kiss lang naman.”

Napaismid si Gab.

“Baka makita tayo ng Daddy mo. Sabi niya kanina, studies muna.’’

“Kiss lang naman. Dampi lang sa lips mo.”

“Hoy ano ka sinu­suwerte?’’

“Suwerte talaga ako at napakaganda at mabait ang siyota ko. Sige na Gab.’’

“Baka makita tayo ng daddy mo.’’

“Tulog na yun.’’

Nag-isip si Gab.

“Sige na nga. Dampi lang.’’

“Oo.’’

Hinalikan ni Drew si Gab sa labi. Dampi lang. Manipis at napakalambot ng labi ni Gab. Napakasuwerte niya. Siya ang unang nakadampi kay Gab.

MINSAN, nagtungo si Drew kina Gab. Habang hinihintay ni Drew ang paglabas ni Gab, may sinabi si Basil. Nagulat si Drew.

“Drew, magsiyota na ba kayo ni Gab?”

(Itutuloy)