IBA’T IBA ang ginagawa ng mga lalaking pinagtaksilan ng kanilang asawa. May mga lalaking naghuhuramentado, nagpapakamatay at mayroon namang nagpapalabuy-laboy. Pero kakaiba ang ginawa ng isang lalaki sa Mumbai, India makaraang matuklasan na kinaliwa siya ng asawa --- umakyat siya sa bayabas na maraming bunga at namalagi roon ng siyam na buwan!
Siyam na buwan na nawala si Sanjay dahil nagtrabaho siya sa ibang lugar. At ganoon na lamang ang kanyang pagkagulat nang malamang pinagtaksilan siya ng asawa. Nakipagrelasyon ito sa lalaking kapitbahay.
Sa sobrang sama ng loob ni Sanjay, nagtungo siya sa bakuran at umakyat sa ma-laking puno ng bayabas na maraming bunga.
Tumagal nang siyam na buwan si Sanjay sa itaas ng puno. Pawang bayabas ang kanyang kinain para maka-survive. Inaabutan din siya ng pagkain ng kanyang mga kamag-anak.
Hinihintay ni Sanjay ang paghingi ng tawad ng nagtaksil na asawa pero hanggang ngayon ay hindi pa ginagawa.
Ayon sa mga pulis, hindi nila maaaring kasuhan si Sanjay dahil wala naman itong ginawang krimen.