Benepisyo ng lahat ng firefighters, isusulong ng ABP partylist

MANILA, Philippines — Kung sakaling manalo ngayong 2025 elections ay isusulong ng Ang Bumbero ng Pilipinas (ABP) partylist na no. 134 sa balota ang resolusyon para sa kapakanan ng mga fire volunteers and rescuers na katuwang sa mabilis na pagtugon sa mga sunog, sakuna at kalamidad sa bawat komunidad sa ibat-ibang sulok ng Pilipinas.

Ang Bumbero ng Pilipinas (ABP) party list ay pinangungunahan ni first nominee Jose Antonio “Ka Pep” Goitia kasama ang iba pang nominado na sina Leninsky Bacud, Catleya Cher Goitia, Jose Mari Alfonso Goitia, Carl Gene Moreno Plantado at Howie Quimzon Manga ay nagsagawa ng kick-off motorcade rally sa harap ng Bureau of Immigration sa Intramuros Maynila bilang hudyat ng pagsisimula ng campaign period para sa darating na halalan ngayong Mayo 2025.

Sinabi pa ni Ka Pep Goitia na layunin din ng kanilang grupo ang pagpapaunlad ng kakayahan ng bawat Pilipino at magkaroon ng sapat na kaalaman sa pagtugon at paghahanda sa lahat ng kalamidad na darating sa ating bansa.