Isa sa naarestong suspek umamin - PNP.
MANILA, Philippines — Kahit hindi pa natatagpuan ang bangkay na katawan nang dinukot na American vlogger na si Elliot Eastman sa Zamboanga del Norte ay pinaniniwalaan ng pulisya na patay na ito.
Ito ang sinabi kahapon ni Police Regional Office (PRO) 9 Acting Spokesperson Lt. Col. Ramoncelio Sawan nang umamin ang isa sa mga suspek na
patay na si Eastman na kanilang itinapon sa dagat.
Binawian umano ng buhay ang biktima sa gabi ng pagdukot dahil sa tama ng bala sa binti.
Samantala, hindi pa rin nahahanap ang katawan ni Eastman sa kabila ng pagsuyod sa lugar kung saan umano siya itinapon at patuloy ring tumatanggap ng impormasyon ang pulisya tungkol sa insidente, dagdag ni Sawan.