MANILA, Philippines — Dalawang High Value Individual (HVI) drug suspects ang nalambat sa buy-bust drug operation ng Quezon Pulis-Sariaya MPS sa Barangay Guis-Guis Talon Sariaya, Quezon, kamakalawa ng gabi.
Kinilala ni Quezon Police Provincial Office (QPPO) director PCol. Ruben Lacuesta ang mga nadakip na suspect na sina alyas Chan-Chan, 26; at alyas Michael, 29, kapwa residente ng Brgy. Malabanban Sur, Candelaria, Quezon.
Ayon sa ulat, alas-8:25 ng gabi nang isagawa ng composite team ng QPDEU at Sariaya PNP-DEU ang anti drug operation laban sa mga suspek na kung saan ay nasamsam sa kanila ang nasa 1,025 grams na may street value na nagkakahalaga ng P20, 910,000.00 at isang motorsiklo.
Nahaharap ang mga suspek sa mga kasong paglabag sa illegal drugs.