Tatay pinatay sa tabi ng anak
Binaril habang nag-aalmusal
MANILA, Philippines — Isang 56-anyos na tatay ang nasawi nang barilin ng hindi pa kilalang suspek habang nag-aalmusal kasama ang anak sa isang kantina na katabi ng sabungan sa Brgy. Patutong Malako North Tagaytay City, kamakalawa.
Kinilala ang nasawi na si Roberto Ansaldo Pinesa, residente ng Sitio Altura, Brgy. Matabungkay, Lian, Batangas.
Habang mabilis na tumakas ang suspek na lulan ng isang asul na kotse.
Sa imbestigasyon ng pulisya, bago naganap ang krimen, alas-8:30 ng umaga sa kantina na katabi ng sabungan ay magkasamang nag-aalmusal ang biktima at anak nitong si Lando Pineza nang dumating ang suspek sakay ng nasabing kotse.
Pagkababa nito sa sasakyan ay diretsong lumapit sa biktima at agad itong binaril bago mabilis na tumakas. May hinalang dahil sa sabong ang motibo ng pagpatay.
- Latest
