Alyansa ng PFP ni Marcos Jr., NUP selyado na

MANILA, Philippines — Selyado na ang pormal na alyansa sa pagitan ng Partido Federal ng Pilipinas (PFP) at ng National Unity Party (NUP) para sa Bagong Pilipinas na makatutulong ng malaki para mapagbuti pa ang buhay ng mga Pilipino.

 Ito ang inihayag ni NUP President at Camarines Sur 2nd District Rep. Luis Raymund Villafuerte.

Ang alyanda ng PFP at NUP ay pormal na senelyuhan nitong Sabado sa Manila Golf and Country Club sa lungsod ng Makati na iginiit ng solon na magbibigay ng oportunidad para sa dalawang matatag na partido pulitikal at iba pang ‘like minded groups na magkaisa sa pagtatrabaho para sa Bagong Pilipinas.

Sinaksihan ni Pangulong Ferdinand Marcos Jr. ang paglalagda ng alliance pact sa pagitan nina Villafuerte, chairman; dating DILG Secretary Ronaldo Puno, secretary-general; Bataan Rep. Albert Garcia para sa NUP, president; South Cotabato Gov. Reynaldo Tamayo Jr.; Executive Vice President and Special Assistant to the President Secretary Antonio Lagdameo Jr., vice chairman at House Senior Deputy Majority Leader at presidential son Alexander Ferdinand Marcos III para naman sa PFP. 

Binigyang diin ni Villafuere na ang NUP ay kaisa ng pananaw ni Pangulong Marcos para sa masagana at mapayapang Bagong Pilipinas kung saan walang Pilipinong maiiwan at sama-sama para sa pagbangon.