^

Police Metro

Pulis nanakot ng 2 rider, arestado

Doris Franche-Borja - Pang-masa
Pulis nanakot ng 2 rider, arestado
Arrested stock photo.
Philstar.com / Jovannie Lambayan, file

MANILA, Philippines — Arestado ang isang pulis makaraang ireklamo ng isang Joyride rider at angkas nito ng pananakot kahapon ng madaling araw sa Quezon City.

Kinilala ni Quezon City Police District (QCPD) Director, PBGen. Redrico Maranan ang  suspek na si PCpt. Elario Loyosen Wanawan, 46, nakatalaga sa District Mobile Force Battalion (DMFB), tubong Cagayan Valley at residente ng Lot1 Block 4, Villa Reform Phase 1, Barangay 167, Caloocan City.

Ayon kina Celso Aclan Banaira, 48, Joyride rider at angkas na si Patricia Tagorda Respall, 23, meat checker, nangyari ang insidente dakong alas-4 ng madaling araw  sa  Miller St., Brgy. Bungad, Quezon City.

Sa pagsisiyasat ni PMSG Guillermo P Esteban Jr. ng Masambong Police Station (PS-2, QCPD), lumilitaw na binabagtas ng dalawa ang Miller St. sakay ng Honda Click 160 (UNW 372) nang biglang harangin ng lasing na si Wanawan na sakay ng kanyang Yamaha SZ.

Pinababa ng pulis ang dalawa at inutusan si Banaira na buksan ang compartment ng kanilang motorsiklo na hindi sinunod ng huli.

Bunsod nito, nagalit ang pulis at sinabihan si Banaira ng “Babarilin kita, buksan mo yan!” habang nakahawak sa kanyang beywang na kinalalagyan ng baril.

Dahil sa takot, napilitan si Banaira na buksan ang compartment subalit hindi pa rin sila pinaalis ng pulis. Ilang motorista lamang ang nakapansin sa komosyon kaya nakahingi ng saklolo ang mga complainants sa barangay at pulisya.

vuukle comment

ARESTADO

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with