Bebot siniksik ang shabu sa ‘hiwa’, para ipuslit sa Bilibid, nabisto

MANILA, Philippines — Nabisto ang isang babae nang subukang magpasok ng iligal na droga na siniksik sa kanyang ‘hiwa’ sa loob ng Bilibid sa Muntinlupa, kamakalawa.

Kinilala ng Bureau of Corrections (BuCor) ang suspek na si Wilmar Castro, residente ng Brgy. Rosario, Pasig City.

Napansin ni CO1 Everlyn Mary Pingian na may isinisingit si Castro sa loob ng kanyang private part.

Kaya naman nagsagawa ng strip ca­vity search si Pingian kung saan pina-squat ang suspek, at doon nakita ang isang tube na may laman na pinaghihinalaang shabu.

Kaagad na dinakip si Castro at nai-turn over sa Muntinlupa Philippine National Police (PNP).

Ayon sa BuCor, dadalawin ni Castro ang kanyang pinsan na bilanggo sa Dorm 4B, MedSeCamp ng New Bilibid Prison.

Agad naman prinomote ni BuCor chief Gregorio Catapang si Pingian dahil sa napigilan nitong pagpuslit ng iligal na droga, kasama na ang mga nakalipas nitong accomplishment.