3 todas, 9 sugatan sa kidlat

MANILA, Philippines — Tatlong katao ang nasawi habang siyam ang nasugatan matapos tamaan sila ng kidlat sa Banate, Iloilo.

Kinilala ang mga nasawi na sina Mila Soberano, 38; Rosalie Soberano, 48; at Britney Labos, 25 na tatlong buwang buntis.

Nasugatan naman sina Felomino Sadiang-ibon, 77; Janelyn Igona, 38; Carlo Soberano, 11; Jumar Sobe­rano, 42; IJ Soberano, 29; Sharime Soberano, 20; Ivan Sobe­rano, 44, at dalawang iba pa.

Batay sa salaysay ng mga nakaligtas, nag-aani ang mga biktima sa isang palayan sa Sitio Giragid, Ba­rangay Libertad nang biglang bumuhos ang malakas na ulan.

Nang sumilong ang mga biktima sa isang kubo ay biglang kumidlat at tinamaan ang mga ito.

Namatay noon din ang tatlo habang ang mga nasugatan ay isinugod sa pinakamalapit na ospital.