57% ng adult Pinoy, sobrang saya ang lovelife — SWS

MANILA, Philippines — Lumalabas sa isinagawang survey ng Social Weather Stations (SWS) na nasa 57 porsyento ng mga adult Pinoy ang sobrang masaya sa kanilang lovelife o buhay pag-ibig.

Sa survey na ginawa mula Disyembre 10-14 ng nagdaang taon sa may 1,200 respondents, 25 porsyento naman dito ang nagsabing sana’y maging mas masaya sila sa kanilang lovelife at 17 percent ang nagsabing wala silang lovelife.

Nasa 33 porsyento rin ang nagsabing ang pagmamahal nila ay para sa kaibigan. Mas mataas dito ng 40 percent ang mga lalaki at 25 percent ang mga kababaihan.

Sa mga nagsasabing may pagmamahal sa kaibigan, kalahati sa kanila ay nagsabing ito ay pag-ibig na walang kapalit.

Pinalabas lamang ang naturang survey, ilang araw bago ang pagdiriwang ng Valentine’s Day sa Martes, Feb 14.