Ombudsman hinihingan ng paliwanag ang DA at FTI officials sa sibuyas
MANILA, Philippines — Sa pagbili sa mataas na presyo ng sibuyas sa isang kooperatiba ay hinihingan ng paliwanag ng Office of the Ombudsman ang mga opisyal ng Department of Agriculture (DA) at Food Terminal Inc. (FTI).
Ayon kay Ombudsman Samuel Martires, nais niyang malaman ang katuwiran sa pagbili ng dalawang ahensiya ng P537 kada kilo ng sibuyas mula sa Modena Multi-Purpose Cooperative.
Sa sulat ni Martires sa mga opisyal, hihingiin niya ang paliwanag ng mga ito kung saan hinugot ang P140 milyon na ipinambili ng sibuyas.
Nabatid na ang FTI naman ang ginamit na ahensiya sa pagbili ng mga sibuyas mula sa kooperatiba.
Ang mga biniling sibuyas ay ipinagbili naman sa Kadiwa Stores sa halagang P170 kada kilo.
Ang paliwanag ng mga nabanggit ay magiging bahagi na ng isasagawang imbestigasyon ng Ombudsman hinggil dito.
- Latest
